Eintal
Undirbúningur fyrir prufur í leikaranám
SMELLTU HÉR TIL AÐ FORSKRÁ ÞIG
Um námskeiðið:
Námskeið í textavinnu, leiktúlkun og persónusköpun. Nemendur öðlast hæfni í að vinna eintöl frá grunni og skapa marglaga persónur. Frábært námskeið fyrir þau sem vilja bæta leikarahæfni sína í valdeflandi og uppbyggjandi umhverfi. Námskeiðið hentar bæði fyrir þau sem eru á leið í inntökupróf í leikaranám á háskólastigi eða vilja auka leikarafærni sína.
Athugið að aldurstakmark er 18 ára.
Kennari: Bjarni Snæbjörnsson leikari og leiklistarkennari. Sjá nánar um Bjarna neðar.
Markmið námskeiðs er að nemendur:
skilji möguleika eintals til túlkunar
læri að greina texta til flutnings á sviði.
læri grundvallarhugtök í leiktúlkun.
öðlist hæfni í að beita verkfærum leikarans í textavinnu.
öðlist hæfni í marglaga persónusköpun.
öðlist hæfni í flytja einræður eða senur fyrir framan aðra.
Nemendur velja sjálfir hvort þeir vilji vinna texta á ensku eða íslensku
PRAKTÍK:
Hægt er að forskrá sig á námskeiðið sem hefst í byrjun nóvember og stendur í sex vikur (lýkur í vikunni 7.-13. des). Nákvæm tíma- og staðsetning mun vera tilkynnt síðar. Þau sem forskrá sig munu vera fyrst á lista þegar formleg skráning hefst sem verður í lok ágúst. Ekki þarf að greiða gjald við forskráningu.
Í húsnæðinu verður gott aðgengi.
Hámarksfjöldi nemenda: 16
Verð: 44.000
Athugið að mörg stéttarfélög niðurgreiða námskeið af þessu tagi.
Að skrifa og flytja ræður
- Valdeflandi og uppbyggilegt
SMELLIÐ HÉR FYRIR SKRÁNINGAREYÐUBLAÐ
Um námskeiðið:
Markmið námskeiðsins er að efla öryggi í að skrifa og flytja ræður við ólík tækifæri. Farið verður yfir mismunandi aðferðir sem hægt er að nýta sér til að gera framkomu örugga, fumlausa og skýra. Þetta er námskeið sem mun ögra þátttakendum á uppbyggilegan hátt á sama tíma og það verður gefandi og skemmtilegt. Frábært námskeið fyrir þau sem vilja auka færni sína í skrifum og framkomu.
Á milli kennslustunda skrifa nemendur ræður með aðstoð kennara. Nemendahópurinn verður lítill sem gefur nemendum tækifæri á einstaklingsmiðuðu námi.
Athugið að aldurstakmark er 20 ára.
Kennari: Bjarni Snæbjörnsson leikari, höfundur og leiklistarkennari. Sjá nánar um Bjarna neðar.
Markmið námskeiðs er að nemendur:
Öðlist öryggi í framkomu og ræðumennsku.
Öðlist hæfni í að flytja ræður fyrir framan annað fólk.
Læri grundvallaratriði í ræðuskrifum.
Öðlist hæfni í að halda athygli áhorfenda/hlustenda.
Í lok námskeið eiga nemendur að geta flutt ræðu að eigin vali fyrir framan hópinn. Mikil áhersla er lögð á valdeflandi og uppbyggilegt andrúmsloft í tímum.
PRAKTÍK:
Einu sinni í viku í 6 skipti, 2,5 klst í senn. Samtals 15 klst.
Þriðjudagar kl 19:00-21:30 frá 1. sept - 6. okt. Staðsetning: Blómabúðin Hæ blóm, Grímsbæ við Bústaðarveg.
Gott aðgengi er að húsnæðinu.
Hámarksfjöldi nemenda: 8
Verð: 49.000
Athugið að mörg stéttarfélög niðurgreiða námskeið af þessu tagi.
Skráningargjald er kr. 10.000.- Ekki er hægt að fá skráningargjaldið endurgreitt nema námskeið falli niður. Greiðsluuplýsingar er að finna í skráningarformi.
Umsagnir nemenda af námskeiðum hjá Bjarna
“Námskeiðið var ótrúlega skemmtilegt og alltaf frábært andrúmsloft í öllum kennslustundum.”
“Námskeiðið fór langt fram úr væntingum mínum. Svo hvetjandi og lærdómsríkt og fyrir allan aldur.”
“Fannst ótrúlega skemmtilegt og vel kennt. Æfingarnar voru fjölbreyttar, mikill metnaður lagður í kennsluna og öll gagnrýni var uppbyggileg.”
“Mæli hiklaust með að læra hjá Bjarna, hann er svo klár, hjálpsamur og mjög góður kennari.”
“Bjarni er NATURAL að kenna og er með einstaklega góða nærveru. Það er alltaf gaman að mæta í tímana og mer liður eins og ég sé sterkari leikkona og sterkari manneskja eftir þetta allt saman.”
Bjarni Snæbjörnsson leikari, höfundur & leiklistarkennari
Bjarni Snæbjörnsson lauk leikaranámi með BFA gráðu frá sviðslistadeild Listaháskóla Íslands 2007. Bjarni kláraði 5. stig í söng frá Söngskólanum í Reykjavík árið 2001 og er einnig með diplómu í söng frá Complete Vocal Institute í Kaupmannahöfn. Árið 2015 lauk hann MA gráðu í leiklistarkennslu frá LHÍ og stundar nú MA nám í ritlist við HÍ.
Bjarni hefur leikið í öllum stofnanaleikhúsum landsins og hefur einnig verið afkastamikill hjá sjálfstæðum leikhópum, jafnt í klassískum verkum sem og búið þau til frá grunni. Hann var hluti af sýningarhóp Improv Ísland frá 2014-2022 og undanfarin ár hefur hann leikið mikið í Þjóðleikhúsinu, t.d. í Ronju Ræningjadóttur, Slá í gegn, Jónsmessunæturdraumi, Meistaranum & Margarítu, Framúrskarandi vinkonu,Kardemommubænum og Frosti.
Hann er einn af stofnendum Leikhópsins Stertabendu sem hefur sett upp fjórar sýningar: Stertabenda (2016),Insomnia (2018), Góðan daginn, faggi (2021) og Skammarþríhyrningurinn (2025). Í tveimur síðustu sýningum var hann einnig meðhöfundur. Bjarni hlaut tilnefningu til Grímunnar 2022 sem söngvari ársins fyrir hlutverk sitt í Góðan daginn, faggi.
Bjarni hefur einnig leikið í sjónvarpi og kvikmyndum, þar má helst nefna Hæ Gosi (2011), Áramótaskaupið (2015 og 2022), Stella Blómkvist (2017), Mannasiðir (2018) og Venjulegt fólk (2020) kvikmyndin Þrot (2022), Randalín og Mundi: dagar í desember (2022) og Hildur (2026). Þá hefur Bjarni ómælda reynslu af söng og skemmtunum og hefur t.d. komið fram á tónleikaröðum tileinkuðum söngleikjatónlist: Ef lífið væri söngleikur og sungið með Sinfóníuhljómsveit Norðurlands. Árið 2024 gaf Bjarni út bókina Mennsku sem hlaut Storytel verðlaunin árið 2026. Þá hefur hann verið athafnastjóri hjá Siðmennt siðan 2014 og skrifað og flutt yfir 200 athafnir og ræður í gegnum árin.
Bjarni hefur kennt leiklist allt frá útskrift sem leikari 2007 og kláraði MA í listkennslu með áherslu á leiklist árið 2015 frá LHÍ. Hann var kennari hjá Leynileikhúsinu í nokkur ár, leiklistarkennari við FG í 9 ár og verið stundakennari við bæði tónlistar- og listkennsludeild Listaháskóla Íslands.